Facebook Twitter Google +1     Admin

BEREZIA.GURE ESKU HISTORIKOA DA

20140609085118-jarraia92694.jpg

ENEKOITZ ESNAOLA-Berriakoa

Geroak esango du 2014ko ekainaren 8ko giza katea mugarria izan den ala ez, ikusteko baitago erabakitzeko eskubidearen aldeko aldarriaren bilakaera eta eskubidea gauzatuko den ala ez, baina mobilizazio gisa historikoa izan da: 150.000 lagun baino gehiago bildu dira Durango-Iruñea arteko 123 kilometroko giza katean, Gure Esku Dago-k arratsaldeko hiruretan jakinarazi duenez. Dinamikak duela urtebete zioen gutxienez 50.000 lagun beharko zirela. Oso erraz gainditu du zifra.Iazko ekainaren 8an aurkeztu zuten Gure Esku Dago, baina, batik bat, azken hiruzpalau hilabeteetan hartu du dimentsio handia, hiri eta herrietan batzordeak sortuta eta giza katea jendez beteta. Kasik berrehun batzorde daude gaur egun. Oinarri handia da hori biharko egunera begira Euskal Herria are gehiago saretzeko eta indar eraginkor bilakatzeko.«Esanak ekintza, ilusioak jarrera eta jarrerak erabakimen» bihurtu nahi ditu Gure Esku Dago-k, mobilizazioaren ondoko ekitaldietan adierazi duenez. Giza katea bukatu eta berehala Twitterrean idatzitako mezuan, «zorionak denoi! Bikaina! Izugarrizko erantzun herritarra», idatzi du. Angel Oiarbide dinamikaren sustatzaileetakoak «hemen ez dago inor soberan» esan du, herri ekinbideko 23 komunikabidek —tartean BERRIAk— elkarlanean egindako programa berezian; «guztion artean erabaki behar dugu etorkizuna».Festa handi bat izan da giza katea, hura sustatzeko azken asteetan egin diren ekitaldiak bezala. Hori da dinamika honen balio bat; alaitasuna, baikortasuna, energia positiboa.Kateko partaide gehienak goizeko hamarretarako euren lekuetan ziren, asko eta asko autobusean joanda —mila autobusetik gora ibili dira atzera eta aurrera—. Eta 2.500 boluntario aritu dira guztia ondo atera zedin. Katea osatu artean txarangak, joaldunak, kantu saioak, trikitilariak, txalapartariak eta hamaiketakoak izan dira.Hamabietan puntuan hasi da giza katea; leku batzuetan suziria botata, beste batzuetan adarraren soinu bidez edota kanpaia jota. Herritarren begietan emozioa nabari zitekeen, baita haien txioetan ere —«oilo ipurdia», «kolosala», «mundiala», «hunkigarria»...—.Herriguneetan ilarak ez, multzoak izan dira, bat, bi, hiru, lau lerroko katea. Besterik gabe kale buelta bat ematera atera diren lagun askok azkenean katera batzen amaitu dute, giroa ikusita. Ordu erdikoa izan da mobilizazioa, eta orduan ere, festa nagusi —lehorrean zenbat olatu izan den...—.Eguzkiak ere bat egin du, era berean. Bero egin du, eta adinekoak eta umeak itzaletan izan dira une askotan, babesa aurkitu nahian; aterkiak ere nonahi ziren. Baina ez da aparteko osasun arazorik gertatu. Zirkulazio gertakaririk ere ez. Gehienez, Guardia Zibilak jarritako isunen bat.Izan da jende ezaguna giza katean. Politikari eta sindikalisten artean, esaterako, Andoni Ortuzar (EAJ) Kanpazarren, Hasier Arraiz (Sortu) Etxarri Aranatzen, Pello Urizar (EA) eta Gemma Zabaleta (PSE-EE) Arrasaten, Dani Maeztu (Aralar) Abadiñon, Jose Luis Uriz (PSC) Iruñean, Adolfo Muñoz (ELA) Arbizun, Ainhoa Etxaide (LAB) Ataunen... Baina herritar xehearen mobilizazio bat izan da ekainaren 8koa. Gure Esku Dago-k ohar batean azpimarratu du Durangon izan direla Iñaki Gorritxategi (83 urte, 1936ko gerrako umea), Maribi Estankona (71, Durangoko ikastolako sortzailea), Peru Arrasate (20 urte, Kazetaritza ikaslea), edota Iruñean izan direla Amaia Arrieta (46 urte, langabea), Fernando Arbeloa (47 urte, Volkswageneko langilea), Eva Molina (38 urte, Iruñean bizi den katalana)... Halako 150.000 lagun pasa elkartu dira.Borondate librearen ariketa bat izan da. Lagun bakoitza berak erabakita joan da, kolektibo baten, herri baten erabakitzeko eskubidearen alde egitera. Horri guztiari forma ematen jarraitu nahi dute Gure Esku Dago-ko kideek, datorren udazkenean batzar handi bat eginda. «Konfiantzako espazio berriak» sortu direla nabarmentzen dute. Ekainaren 8an, behintzat, giza kate erraldoi bat osatu dute.

ERREAKZIOA

GARAko erredakzioakoa

Gure Esku Dago ha destacado en su valoración que entre Durango e Iruñea se han reunido hoy «gentes diferentes» que han unido sus manos «con un mismo sentimiento: que el futuro está en nuestra manos». Por ello, ha remarcado que «el futuro está en nuestras manos» y que «este pueblo será lo que decidan sus ciudadanos y ciudadanas».En un comunicado remitido por la tarde, ha resaltado que por encima de diferencias, «más de 150.000 personas hemos conseguido dar valor a lo que nos une», que es «mucho más de lo que nos separa».«Hoy hemos hecho algo grande. Nos hemos dado la mano, hemos trabajado y así seguiremos hacia delante tejiendo esa red de confianza y complicidades. Somo muchos y muchas, pero sabemos que aún falta mucha gente. En este país todos somos necesarios, aquí no sobra nadie. El futuro de este país lo debemos decidir entre todos y todas sus ciudadanas», han subrayado.Gure Esku Dago ha advertido, no obstante, de que hoy «no termina nada» y la cadena humana «no es más que el comienzo».Tras resaltar que «hemos tejido una dinámica activa pueblo a pueblo» y que se ha «cumplido el primer objetivo», indican que se sienten «con más vitalidad que nunca para seguir adelante» a favor del derecho a decidir.«Ha comenzado una nueva era en nuestro pueblo, actuar en consecuencia está en nuestras manos», concluye Gure Esku Dago.


09/06/2014 08:51. ORAIN-Euskal Aldizkaria Katalunian #. sin tema

Comentarios > Ir a formulario





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris