Facebook Twitter Google +1     Admin

ORAIN KALERA.Gobernu berria martxan

20121217173118-sailburuak.jpgLakuako zortzi sailburu berriek beren karguei zin egin diete Ajuria Enean egin den ekitaldian. Euskara hutsez, Gernikako Estatutuaren ale baten gainean guztiek fideltasuna aitortu diote Euskal Autonomia Erkidegoari.Patxi Lópezen Exekutiboak 2009an erabilitako formula ez dute errepikatu Urkulluren kabineteko kideek. Lopezen sailburuek Konstituzioari, Gernikako Estatutuari, indarrean zeuden legeei eta euskal gizarteari agertu zieten fideltasuna.Astelehenean, hitz hauek errepikatu dituzte Josu Erkoreka, Arantza Tapia, Juan María Aburto, Ricardo Gatzagaetxebarria, Cristina Uriarte, Estefanía Beltrán de Heredia, Jon Darpón eta Ana Isabel Oregik: «Hartzen dudan agintea, Euskadiren zerbitzuan eta legearen arabera, zintzo eta leialki erabileko dudala, hitz ematen dut».Iñigo Urkulluk pasa den larunbatean hartu zuen kargua Gernikan egindako ekitaldian, ostegunean Gasteizko Legebiltzarrean bozketa bidez lehendakari izendatu ondoren. Ostiralean eman zuen bere Exekutiboko kideen berri.Ekitaldian, Urkulluk indarrak batuta lan egiteko deia egin die bere taldekideei, «bizi dugun egoera larria den arren, Euskadi hobea izan daitekeelako».Kabinete berria bere «lan taldea» dela zehaztu du Lakuako lehendakariak eta elkarlanak iparrorratz izan behar duela Gobernuan.«Egoerei aurre egiteko talde bezala sentitzea garrantzitsua da eta talde bat da euskal gizarteari eskaini nahi dioguna, denok norabide berean arraunean eginez», esan du.
17/12/2012 17:31. ORAIN-Euskal Aldizkaria Katalunian #. sin tema

Comentarios > Ir a formulario





Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris