Facebook Twitter Google +1     Admin

EITBk Enpresa Bikaintasunaren Sari Europarra jaso du

20090929110050-769px-bilbao-eitb-ataria.jpgEFQMko epaimahaiak 2009ko Enpresa Bikaintasunaren Sari Europarra eman dio Euskal Irrati Telebistari, Berrikuntza saria hain zuzen ere. EITB kalitatearen sari europarra lortzen duen lehen komunikazio taldea da.Finalisten artean zeuden, halaber, Wolskwagen, Robert Bosch eta Frantziako Elektrizitate erakundea. EFQMko sari banaketa ekitaldia Bruselako Plaza Hotelean (Belgika) egin dute afari batean. Bertan izan dira Blanca Urgell Kultura sailburua, Alberto Surio EITBko zuzendari nagusia eta Patxi Arratibel EITBko Estrategia eta Gizarte Harremanetarako zuzendaria. Radio Euskadin egindako adierazpenetan, Surio "oso hunkituta" azaldu da eta "sariak ondratzen gaituela" gaineratu du. Era berean, "EITBk berrikuntzaren alde egindako apustua baieztatzen" duela azpimarratu du.Euskal komunikazio taldearekin batera punta-puntako beste 13 erakunde eta enpresa europar izan dira finalisten artean, arlo publikoko eta pribatuko denetariko erakundeak. Besteak beste, Poloniako Wolskwagen, Frantziako Robert Bosch, Frantziako Elektrizitatea, Liverpooleko John Moore Unibertsitatea eta Austriako NXP Sound Solutions elektronika enpresa daude.EITBk kalitatearen aldeko apustu indartsua egin du eta Europan jasotako onespenak ia duela hamar urte hartutako konpromisoa sendotzen du. 2004an Zilarrezko Q eta 2007an Urrezko Q jaso zituen EITBk, Eusko Jaurlaritzaren eskutik. Horrez gain, Fundibeq-ek emandako Kalitatearen Sari Iberoamerikarra eskuratu zuen tartean, 2006an.
Kalitatea Kudeatzeko Europako Fundazioak, European Foundation for Quality Management deritzonak (EFQM), Europako erakundeen lehiakortasuna hobetzea du helburu. Edozein esparru eta edozein neurriko erakundeetan egiten du lan. Enpresa jardun onenak identifikatuz eta bultzatuz hobekuntza lortu nahi du. Enpresa bikaintasunaren sariak urtero deitzen dituzte 1992tik hona eta bost maila dituzte: enpresa handiak, enpresa txiki eta ertain independienteak, pyme filialak, sektore publikoko erakundeak eta operazio-unitateak.

EITBko ebaluazio prozesua
Otsailean, EITBk kudeaketa eredua azalduz eta 2008ko emaitzak bilduz memoria aurkeztu zion EFQM fundazioari. Ondoren, EITBko zuzendaritzako kide batzuk ebaluatzaileekin elkarrizketatu ziren Bruselan. Ebaluatzaile taldea, Siemens, Rita Green Consulting, VP Bank, Luftansa, T Sistems eta Philips-eko kanpoko sei profesionalek osatzen zuten. Bileraren helburua EITBrekin lehenengo hartu emana izatea zen eta, bidez batez, kudeaketa sistema azaldu eta memoria azaltzeko beharrekoak ziren agiri eta dokumentazioa aurkeztea.
Hurrengo epean, maiatzaren 25etik 29ra, ebaluatzaile taldea EITBn izan zen arlo guztiak bertatik-bertara ezagutzeko: Telebista, irratia eta Internet eta baita lortutako emaitzak ere. Horretarako taldea hiru batzordetan antolatu zuten. Batzorde bakoitzean bi ebaluadorek hartzen zuten parte eta 170 langilerekin izan zituzten elkarrizketak, 50 bileratik gora guztira. EFQM Europaren ebaluazio prozesua oso trinkoa da eta ebaluatzaileei ere ahalegin handia eskatzen die. Ehun ordutik gorako lana da ebaluatzaile bakoitzarentzat. Memoria ikasi, dokumentazioa, aztertu, bisita prestatu, egin eta ebaluazio txostena lantzen ematen dute denbora.





29/09/2009 11:00. ORAIN-Euskal Aldizkaria Katalunian #. sin tema

Comentarios > Ir a formulario

orain



Blog creado con Blogia. Esta web utiliza cookies para adaptarse a tus preferencias y analítica web.
Blogia apoya a la Fundación Josep Carreras.

Contrato Coloriuris